Главная : Обучающимся : Дистанционное обучение : Сусветная гісторыя : 7 клас : Заходняя Еўропа ў Познім Сярэднявякоўі
Заходняя Еўропа ў Познім Сярэднявякоўі
І варыянт 1. Якія краіны ўдзельнічалі ў Стогадовай вайне: а) Англія з Францыяй супраць Іспаніі; б) Англія супраць Францыі; в) Францыя з Германіяй супраць Англіі? 2. Іаган Гутэнберг – гэта: а) германскі ювелір, вынаходнік кнігадрукавання; б) італьянскі скульптар і архітэктар; в) англійскі пісьменнік? 3. Час з 1309 па 1377 гг., калі рэзідэнцыяй рымскіх пап быў не Рым, а горад Авіньён, называюць: а) Авіньёнскі “палон” пап; б) “Вялікі раскол” у каталіцкай царкве; в) “Папскі палон”у Авіньёне? 4. Вызначце рысы эпохі Адраджэння: а) уздым навукі і мастацтва; б) цікавасць да Антычнасці (культуры Старажытнай Грэцыі і Рыма); в) засілле каталіцкай царквы; г) панаванне натуральнай гаспадаркі; д) развіццё гуманістычных ідэй? 5. Устанавіце адпаведнасць: а) Джота 1) славуты італьянскі архітэктар; б) Ф.Петрарка 2) паэт-гуманіст, аўтар паэмы “Італія мая”; в) С.Батычэлі 3) італьянскі мастак, аўтар карціны “Нараджэнне Венеры”; г) Ф.Брунелескі 4) адзін з першых мастакоў Адраджэння. 6. Устанавіце адпаведнасць: а) 1302 г. 1) адкрыццё марскога шляху ў Індыю; б) 1347 – 1353 гг. 2) утварэнне адзінага каралеўства Іспанія; в) 1479 г. 3) “Чорная смерць” у Еўропе; г) 1498 г. 4) узнікненне Генеральных штатаў у Францыі. 7. Вызначце паняцці для прапанаваных азначэнняў: а) вучэнне мысліцеляў Адраджэння, у цэнтры якога знаходзіўся чалавек ва ўсіх праявах яго жыцця, называецца... б) саслоўна-прадстаўнічы орган улады ў Іспаніі і Партугаліі, называецца... в) асноўны закон Свяшчэннай Рымскай імперыі, які замацаваў палітычную раздробленасць дзяржавы – гэта... г) манархія, якая абапіраецца на органы прадстаўніцтва розных саслоўяў, звычайна, дваран, духавенства, гараджан – гэта... 8. Растаўце ў правільнай паслядоўнасці: а) першае кругасветнае падарожжа; б) адкрыццё Амерыкі; в) адкрыццё мыса Добрай Надзеі; г) асваенне партугальцамі заходняга ўзбярэжжа Афрыкі. - Параўнайце дзяржаўны лад Францыі і Германіі ў Познім сярэдневякоўі. Вызначце агульныя і адметныя рысы.
10. Выпраўце гістарычныя памылкі: Пасля заканчэння Стогадовай вайны ў сярэдзіне XIV ст. у Англіі пачынаецца вайна паміж феадальнымі родамі Ланкастэраў і Йоркаў, якая ўвайшла ў гісторыю пад назвай вайны Пунсовай і Блакітнай ружы. Вайна завяршылася прыходам да ўлады каралёў з новай дынастыі Плантагенетаў і аслабленнем каралеўскай улады. ІІ варыянт 1. Якая вайна ішла ў Заходняй Еўропе ў 1337 – 1453 гг.: а) Стогадовая; б) Стошаснаццацігадовая; в) Вялікая? 2. Дантэ Аліг’еры – гэта: а) італьянскі паэт і мысліцель; б) італьянскі скульптар і мастак; в) германскі архітэктар? 3. Час з 1378 па 1417 гг, калі ў каталіцкай царкве быў не адзін, а два і нават тры папы, называюць: а) “шматпапскі перыяд”; б) царкоўная вайна; в) “Вялікі раскол” у каталіцкай царкве? 4. Вызначце рысы гуманізму: а) перавага замагільнага жыцця над зямным; б) найвышэйшая роля рэлігіі; в) прызнанне чалавека найвышэйшай каштоўнасцю; г) разуменне чалавека як актыўнай, дапытлівай, дзейснай асобы; д) імкненне да адукаванасці? 5. Устанавіце адпаведнасць: а) Мазачыо 1) славуты пісьменнік і паэт, аўтар твора “Дэкамерон”; б) Д.Бакачыо 2) італьянскі мысліцель-гуманіст; в) Данатэла 3) славуты італьянскі скульптар; г) Манэці 4) адзін з заснавальнікаў жывапісу Адраджэння; 6. Устанавіце адпаведнасць: а) 1358 г. 1) вынаходства кнігадрукавання ў Еўропе; б) 1445 г. 2) завяршэнне Рэканкісты ў Іспаніі; в) 1455 – 1485 гг. 3) паўстанне Жакерыя ў Францыі; г) 1492 г. 4) вайна Пунсовай і Белай ружы ў Англіі. 7. Вызначце паняцці для прапанаваных азначэнняў: а) саслоўна-прадстаўнічы орган улады ў Францыі, які складаўся з трох палат для прадстаўнікоў духавенства, феадалаў і гараджан, называецца... б) новы тып культуры, што ўзнікла ў XIV ст. у Італіі, якой уласцівы гуманізм і цікавасць да антычнасці, называецца... в) прадпрыемства, заснаванае на падзеле працы і ручной вытворчасці – гэта... г) дзяржава з моцнай каралеўскай уладай, якая ажыццяўляецца з дапамогай чыноўнікаў і пастаяннага войска, называецца... 8. Растаўце ў правільнай паслядоўнасці: а) першае плаванне Х.Калумба; б) плаванне Васка да Гамы ў Індыю; в) плаванне Б.Дыяша да паўднёвай аканечнасці Афрыкі; г) плаванне Ф.Магелана і Элькана. 9. Параўнайце дзяржаўны лад Англіі і італьянскіх дзяржаў Венецыі і Генуі ў Познім сярэдневякоўі. У чым розніца паміж імі? 10. Выпраўце гістарычныя памылкі: Пасля заканчэння Стогадовай вайны ў сярэдзіне XIVcт. у Францыі пачынаецца барацьба паміж каралём Людовікам ХІ і герцагам Нармандыі Карлам Смелым. Барацьба скончылася паражэннем Людовіка ХІ і раздрабленнем Францыі ў канцы XV ст.
|