Главная : Обучающимся : Дистанционное обучение : Сусветная гісторыя : 5 клас : Пярэдняя Азія ў старажытнасці
Пярэдняя Азія ў старажытнасці
Праверачная работа па тэме “Пярэдняя Азія ў старажытнасці” І варыянт І узровень 1. Што мы называем Міжрэччам: а) тэрыторыю Усходняга Міжземнамор’я; б) тэрыторыю Старажытнага Егіпта; в) тэрыторыю паміж рэкамі Тыгр і Еўфрат? 2. Хто такі Хамурапі: а) вавілонскі цар; б) егіпецкі фараон; в) вярхоўны бог вавілонян? ІІ узровень 3. Як называліся паселішчы, якія засноўвалі фінікійцы на берагах Міжземнага мора: а) аазісы; б) калоніі; в) фінікі? 4. Якія дзяржавы Пярэдняй Азіі вы вывучылі: а) Вавілонская дзяржава; б) Тыгр; в) Міжземнамор’е; г) Хецкая дзяржава; д) Іран? ІІІ узровень 5. Устанавіце адпаведнасць паміж народамі і іх дасягненнямі: а) шумеры 1) вынаходства алфавіту; б) вавілоняне 2) вынаходства клінапісу; в) фінікійцы 3) пакланенне аднаму богу; г) яўрэі 4) складанне першых законаў. 6.Устанавіце адпаведнасць паміж гістарычнымі асобамі і іх дзейнасцю: а) Навухаданасор 1) заснавальнік вялікай Персідскай дзяржавы; б) Зараастр 2) цар Вавілона, па яго загаду былі пабудаваны “вісячыя сады”; в) Кір ІІ Вялікі 3) заснавальнік адзінай дзяржавы Ізраіль; г) Саул 4) заснавальнік старажытнай рэлігіі іранцаў. ІV узровень 7. Устанавіце адпаведнасць паміж дзяржавамі і іх галоўнымі гарадамі і сталіцамі: а) Шумер 1) Ашур, Ніневія; б) Хецкая дзяржава 2) Іерусалім; в) Асірыя 3) Урук, Ур, Кіш, Лагаш; г) Персідская дзяржава 4) Цір, Бібл, Бейрут, Сідон; д) Фінікія 5) Хатуса; е) Ізраіль 6) Персепаль, Экбатаны, Сузы, Вавілон. 8. Працягніце сказ: Форма праўлення, пры якой уся вярхоўная ўлада знаходзіцца ў руках аднаго чалавека – цара, фараона, імператара – і, як правіла, перадаецца ў спадыну называецца... Vузровень 9. Рашыце гістарычную задачу: Цар Саламон пачаў правіць у 965 да н.э. і правіў 39 гадоў. Вызначце колькі гадоў таму назад ён пачаў правіць і ў якім годзе да н.э. ён памёр? 965 г.да н.э. ? 1 г. н.э. 2010 г. 10. Выпраўце гістарычныя памылкі: Арыі, якія першымі прыручылі верблюдаў, у сярэдзіне І тыс. да н.э. заснавалі магутную дзяржаву – Элам. Самым магутным правіцелем яе быў Дарый ІІІ. Праверачная работа па тэме “Пярэдняя Азія ў старажытнасці” ІІ варыянт І узровень 1. Як назва “Міжрэчча” гучыць па-грэчаску: а) Двурэчча; б) Міжземнамор’е; в) Месапатамія? 2. Хто такі Навухаданасор: а) цар Вавілона; б) егіпецкі фараон; в) вярхоўны жрэц у яўрэяў? ІІузровень 3. На якія часткі была падзелена Персідская дзяржава: а) вобласці; б) правінцыі; в) сатрапіі? 4. Якія дзяржавы Пярэдняй Азіі вы вывучылі: а) Шумерская дзяржава; б) Акад; в) Еўфрат; г) Грэцыя; д) Асірыя? ІІІ узровень 5. Устанавіце адпаведнасць паміж народамі і вынаходствамі, якія яны здзейснілі: а) хеты 1) вынаходства сядла; б) арыі 2) выраб жалезнай зброі; в) фінікійцы 3) прыручэнне каня; г) асірыйцы 4) вынаходства шкла. 6. Устанавіце адпаведнасць паміж правіцелямі і іх дзейнасцю: а) Саргон 1) самы знакаміты і мудры цар Ізраіля; б) Хамурапі 2) самы магутны правіцель Персіі; в) Саламон 3) цар Вавілона, у час праўлення якога былі складзены самыя першыя г) Дарый І законы; 4) цар Акада, стваральнік першай у гісторыі пастаяннай арміі. ІV узровень 7. Устанавіце адпаведнасць паміж краінамі і іх геаграфічным размяшчэннем: а) Шумерская дзяржава 1) Усходняе Міжземнамор’е; б) Вавілонія 2) Паўднёвае Міжрэчча; в) Хецкая дзяржава 3) уся тэрыторыя Месапатаміі; г) Фінікія 4) паўвостраў Малая Азія; д) Асірыя 5) на ўсход ад Месапатаміі; е) Іран 6) паўночны ўсход Міжрэчча. 8. Працягніце сказ: Сістэма кіравання людзьмі, грамадскім і гаспадарчым жыццём на пэўнай тэрыторыі, якая ўключае ў сябе правіцеля, яго саветнікаў, чыноўнікаў, армію, а таксама розныя органы ўлады называецца... V узровень - Рашыце гістарычную задачу: Цар Хамурапі памёр у 1750 г. да н.э. Правіў ён 42 гады. Вызначце, у якім годзе да н.э. пачаў правіць Хамурапі і колькі гадоў таму назад гэта адбылося?
1750 г.да н.э. 1 г. н.э. 2010 г. 10. Выпраўце гістарычныя памылкі: Фінікійцы жылі на заходнім узбярэжжы Міжземнага мора. Асабліва славіліся яны вытворчасцю фіялетавай фарбы, або пурпуру. Яны першымі прыдумалі клінапіс.
|