Главная : Обучающимся : Дистанционное обучение : Сусветная гісторыя : 5 клас : Індыя, Кітай і Амерыка ў старажытнасці
Індыя, Кітай і Амерыка ў старажытнасці
Праверачная работа па тэме “Індыя, Кітай і Амерыка ў старажытнасці” І варыянт І узровень 1. У далінах якіх рэк узніклі першыя дзяржавы ў Індыі: а) Тыгр і Еўфрат; б) Інд і Ганг; в) Хуанхэ і Янцзы? 2. Хто такі Цынь Шыхуандзі: а) славуты кітайскі імператар; б) магутны індыйскі цар; в) вядомы правадыр альмекаў? ІІ узровень 3. Як называецца рэлігія, што ўзнікла ў Індыі ў ІІ тыс. да н.э., паслядоўнікі якой пакланяюцца шматлікім багам: а) будызм; б) канфуцыянства; в) індуізм? 4. Што з ніжэйпералічанага была вынайдзена ўпершыню кітайцамі: а) компас; б) шкло; в) папера; г) жалезная зброя; д) шоўк; е) сейсмограф (прыбор для вызначэння ваганняў зямной паверхні)? ІІІ узровень 5. Устанавіце адпаведнасць паміж паняццямі і іх азначэннямі: а) іерогліфы 1) свяшчэнная “дасканалая” мова індыйскіх арыяў; б) каліграфія 2) знакі кітайскай пісьменнасці; в) санскрыт 3) групы, катэгорыі кітайскага грамадства; г) рангі 4) мастацтва прыгожага пісьма. 6. Устанавіце адпаведнасць паміж дзяржавамі і іх галоўнымі гарадамі: а) Старажытнаіндыйская дзяржава 1) Ла-Вента; б) Індыя ў часы Ашокі 2) Цзы (Пекін), Лаян; в) Кітай 3) Паталіпутра; г) дзяржава альмекаў 4) Харапа і Махенджа-Дара. ІV узровень 7. Працягніце сказ: Гандлёвы шлях, які ішоў з Кітая праз усю Азію аж да Еўропы называецца… 8. Рашыце гістарычную задачу: Царэвіч Гаутама (Буда) нарадзіўся каля 560 г. да н.э. і пражыў каля 80 гадоў. Колькі гадоў таму назад ён нарадзіўся і ў якім годзе памёр? 560 г.да н.э. ? 1 г.н.э. 2010 г. V узровень 9. Што аб’ядноўвае наступныя паняцці: брахманы, кшатрыі, вайш’і, шудры? 10. Выпраўце гістарычныя памылкі: Яшчэ ў глыбокай старажытнасці людзі засялілі землі ўздоўж ракі Хуанхэ, якую называлі “Чырвонай ракой” ці “ракой тысячы шчасцяў”. З V ст. да н.э. асноўнай сельскагаспадарчай культурай кітайцаў становіцца пшаніца. Праверачная работа па тэме “Індыя, Кітай і Амерыка ў старажытнасці” ІІ варыянт І узровень 1. У далінах якіх рэк узнікла цывілізацыя ў Кітаі: а) Тыгр і Еўфрат; б) Інд і Ганг; в) Хуанхэ і Янцзы? 2. Хто такі Ашока: а) магутны індыйскі цар; б) вядомы правадыр альмекаў; в) славуты кітайскі імператар? ІІ узровень 3. Як называецца рэлігія, што ўзнікла ў Старажытнай Індыі ў VI – V стст. да н.э., але ў пачатку нашай эры была выцеснена з Індыі ў Кітай: а) індуізм; б) канфуцыянства; в) будызм? 4. Якія з ніжэйпералічаных твораў адносяцца да старажытнаіндыйскай літаратуры: а) Веды; б) Стары Запавет; в) Рамаяна; г) Авеста; д) Махабхарата? ІІІ узровень 5. Устанавіце адпаведнасць паміж групамі індыйскага грамадства: а) брахманы 1) “сваі” у старажытнаіндыйскім грамадстве; б) арыі 2) слугі; в) дасы 3) жрацы і настаўнікі; г) шудры 4) “чужыя” у старажытнаіндыйскім грамадстве. 6. Устанавіце адпаведнасць паміж дзяржавамі і месцамі іх размяшчэння: а) Індыя 1) Усходняя Азія; б) Кітай 2) Паўночная Амерыка; в) дзяржава альмекаў 3) Паўднёвая Азія. ІV узровень 7. Працягніце сказ: Вялікія групы людзей у Індыі, што выконвалі ў грамадстве адную і тую ж важную работу, мелі пэўныя правы і абавязкі, якія перадаваліся ў спадчыну называюцца… 8. Рашыце гістарычную задачу: Вядомы кітайскі мудрэц Канфуцый нарадзіўся ў 551 г. да н.э. і пражыў 72 гады. Колькі гадоў таму назад ён нарадзіўся і ў якім годзе памёр? 551 г.да н.э. ? 1 г.н.э. 2010 г. V узровень 9. Што аб’ядноўвае наступныя паняцці: Індра, Агні, Варуна, Мітра, Шыва? 10. Выпраўце гістарычныя памылкі: У ІІІ ст. да н.э. Кітай быў аб’яднаны пад уладай дзяржавы Хань. Яе імператарам стаў Хань Шыхуандзі. Ён вядомы тым, што загадаў на поўдні Кітая пабудаваць вялізную сцяну, якая ўвайшла ў гісторыю пад назвай Вялікай Кітайскай сцяны.
|