Главная : Обучающимся : Дистанционное обучение : Грамадазнаўства : 11 клас : Асноўныя галіны права
Асноўныя галіны права
Праверачная работа І варыянт І. Выберыце варыянт правільнага адказу: 1. Маёмасныя і асабістыя немаёмасныя адносіны, што ўзнікаюць паміж рознымі арганізацыямі (юрыдычнымі асобамі) і грамадзянамі, а таксама паміж асобнымі грамадзянамі рэгулююцца: а) грамадзянскім правам; б) адміністрацыйным правам; в) юрыдычным правам. 2. Чалавек як суб’ект права, носьбіт правоў і абавязкаў – гэта: а) юрыдычны суб’ект; б) фізічны суб’ект; в) фізічная асоба. 3. Абавязковае для ўсіх работнікаў падпарадкаванне ўстаноўленаму распарадку і належнае выкананне сваіх абавязкаў – гэта: а) службовыя абавязкі; б) кантрактныя абавязацельствы; в) працоўная дысціпліна. 4. Выберыце правільнае сцвярджэнне: а) жонка можа прад’явіць іск аб скасаванні шлюбу ў любы час; б) скасаванне шлюбу недапушчальнае падчас цяжарнасці жонкі і на працягу пяці гадоў пасля нараджэння дзіцяці; в) утойванне асобай, якая ўступае ў шлюб, акалічнасцей, якія перашкаджаюць яго заключэнню, не з’яўляецца падставай для прызнання шлюбу несапраўдным. 5. У выпадку ўчынення грамадзянамі адміністрацыйнага правапарушэння да іх могуць быць прыменены розныя віды: а) адміністрацыйнага пакарання; б) адміністрацыйных спагнанняў; в) адміністрацыйных штрафаў. 6. Правамернае прычыненне шкоды асобе пры абароне інтарэсаў асобы, грамадства і дзяржавы ад небяспечных замахаў – гэта: а) законнае правапарушэнне; б) вымушаная самаабарона; в) неабходная абарона. 7. Сукупнасць юрыдычных норм, якія вызначаюць злачыннасць і каральнасць учынкаў, небяспечных для існуючай сістэмы грамадскіх адносін вызначаецца паняццем: а) крымінальнае права; б) прававая сістэма; в) сістэма законаў Рэспублікі Беларусь. 8. Адзіная і цэнтралізаваная сістэма органаў, якія ажыццяўляюць ад імя дзяржавы нагляд за дакладным і аднолькавым выкананнем прававых актаў – гэта: а) судовая сістэма; б) пракуратура; в) камітэт дзяржаўнай бяспекі. 9. Вызначце неправільнае сцвярджэнне: а) непаўналетні ва ўзросце да 14 гадоў не мае права самастойна набыць сабе камп’ютар; б) непаўналетні ва ўзросце да 16 гадоў не мае права ўладкоўвацца на працу без дазволу бацькоў; в) бацькі не маюць права без згоды органа апекі і апякунства адмаўляцца ад прыняцця ў дар нерухомасці на карысць свайго непаўналетняга дзіцяці; г) непаўналетні ва ўзросце да 16 гадоў не мае права ўносіць уклады ў крэдытныя ўстановы і распараджацца сваімі заробкамі без згоды бацькоў. 10. Вызначце, якія суды складаюць судовую сістэму Рэспублікі Беларусь: а) Канстытуцыйны Суд; б) Вышэйшы Суд; в) агульныя суды; г) гаспадарчыя суды. ІІ. Устанавіце адпаведнасць: 11. Суаднясіце: а) маёмасныя адносіны; б) асабістыя немаёмасныя, не звязаныя з маёмаснымі; в) асабістыя немаёмасныя адносіны, звязаныя з маёмаснымі – 1) абарона аўтарскага права; 2) купля-продаж нерухомасці; 3) абарона дзелавой рэпутацыі. 12. Суаднясіце: а) пракуратура; б) міліцыя; в) камітэт дзяржаўнага кантролю; г) камітэт дзяржаўнай бяспекі – 1) папярэджванне і спыненне злачынстваў і іншых правапарушэнняў; 2) забеспячэнне вяршэнства права, законнасці і правапарадку; 3) збор, абагульненне, праверка інфармацыі, прызначанай для прыняцця адказных дзяржаўных рашэнняў, звязаных з забеспячэннем бяспекі краіны; 4) сочыць за выкананнем заканадаўства ў галіне фінансаў і падаткаабкладання. 13. Суаднясіце: а) адміністрацыйнае права; б) грамадзянскае права; в) крымінальнае права; г) працоўнае права – 1) запазычанасць у аплаце электраэнергіі; 2) лоўля рыбы ў неўстаноўленным месцы; 3) з’яўленне на працы ў нецвярозым стане; 4) наўмыснае прывядзенне ў непрыгоднасць транспартнага сродку. 14. Суаднясіце: а) адвакат; б) натарыус; в) пракурор; г) суддзя – 1) разглядае справы па скаргах, якія паступілі ў час асабістага прыёму насельніцтва; 2) прымае дакументы на захаванне; 3) ажыццяўляе прававое абслугоўванне камерцыйных аперацый, заключэнне кантрактаў; 4) каардынуе дзейнасць праваахоўных органаў па барацьбе са злачыннасцю. 15. Суаднясіце: а) пазбаўленне волі; б) абмежаванне волі; в) арышт; г) пазбаўленне права займацца пэўнай дзейнасцю – 1) прызначаецца асобе, якая ўчыніла злачынства ва ўзросце да 18 гадоў, на тэрмін ад 6 месяцаў да 3 гадоў; 2) прызначаецца асобе, якая ўчыніла злачынства ва ўзросце да 18 гадоў, на тэрмін да 15 гадоў; 3) прызначаецца асобе мужскога полу, якая ўчыніла злачынства ва ўзросце да 16 гадоў, на тэрмін ад 15 сутак да 3 месяцаў; 4) прызначаецца асобе, якая дасягнула 16-гадовага ўзросту, на тэрмін ад 1 да 3 гадоў. ІІІ. Працягніце сказы: 16. Здольнасць чалавека быць носьбітам дазволеных законам суб’ектыўных правоў і абавязкаў называецца... 17. Адміністрацыйнае выдварэнне за межы Рэспублікі Беларусь, якое прымяняецца ў адносінах да замежнага грамадзяніна і асобы без грамадзянства называецца... 18. Работнікі маюць права на штогадовы ... з захаваннем заработнай платы. 19. Мерай крымінальна-прававога ўздзеяння, якая прымяняецца па прыгаворы суда да асобы, асуджанай за злачынства, з’яўляецца... 20. Дзяржаўны орган, які сведчыць рознага роду юрыдычныя акты (дагаворы, завяшчанні, даверанасці і г.д.), а таксама сапраўднасць подпісаў на дакументах і копій дакументаў называецца... Праверачная работа ІІ варыянт І. Выберыце варыянт правільнага адказу: 1. Галіна права, якая рэгулюе грамадскія адносіны, што ўзнікаюць у працэсе арганізацыі і ажыццяўлення дзяржаўнага кіравання – гэта: а) грамадзянскае права; б) адміністрацыйнае права; в) крымінальнае права. 2. Прызнаная дзяржавай у якасці суб’екта права арганізацыя, якая валодае адасобленай маёмасцю, самастойна адказвае гэтай маёмасцю па сваіх абавязацельствах, ад свайго імя выступае ў судзе, набывае і ажыццяўляе правы, выконвае абавязкі, называецца: а) юрыдычная асоба; б) юрыдычная арганізацыя; в) юрыдычны суб’ект. 3. Выберыце правільнае сцвярджэнне: а) працоўны дагавор можа быць заключаны з умовай папярэдняга выпрабавання на тэрмін не больш як 6 месяцаў; б) забараняецца прымяненне працы асоб, маладзейшых за 16 гадоў, на цяжкіх работах і на работах са шкоднымі ці небяспечнымі ўмовамі працы; в) забараняецца прыцягваць работнікаў, маладзейшых за 18 гадоў, да начной і звышурочнай працы, працы ў святы і выхадныя дні; г) працягласць працоўнага адпачынку не можа быць меншай за 30 дзён. 4. Заключэнне шлюбу адбываецца ва ўзгодненыя бакамі тэрміны, але не раней чым праз: а) 15 дзён пасля падачы заявы; б) 30 дзён пасля падачы заявы; в) 3 месяцы пасля падачы заявы. 5. Проціпраўны вінаваты ўчынак (дзеянне або бяздзеянне), за які ўстаноўлена адміністрацыйная адказнасць – гэта: а) адміністрацыйнае правапарушэнне; б) адміністрацыйны ўчынак; в) грамадзянскае правапарушэнне. 6. Асоба, якая здзейсніла злачынства не нясе крымінальнай адказнасці ў выпадку, калі ў момант здзяйснення злачынства ёй не споўнілася: а) 14 гадоў; б) 16 гадоў; в) 18 гадоў. 7. Дзяржаўны праваахоўны орган, прызваны абараняць жыццё, здароўе, правы, свабоды і законныя інтарэсы грамадзян, грамадства і дзяржавы ад злачынных і іншых проціпраўных замахаў – гэта: а) камітэт дзяржаўнай бяспекі; б) пракуратура; в) міліцыя. 8. Пакаранне павінна адпавядаць характару і ступені грамадскай небяспекі злачынства, абставінам яго ўчынення і асобе вінаватага. Гэта адпавядае: а) прынцыпу прэзумпцыі невінаватасці; б) прынцыпу справядлівасці; в) прынцыпу сацыяльнай роўнасці. 9. Вызначце неправільнае сцвярджэнне: а) бацькі не маюць права без згоды органа апекі і апякунства аддаваць у залог маёмасць, якая належыць дзіцяці; б) не дапускаецца заключэнне працоўнага дагавора з асобамі ва ўзросце ад 14 да 16 гадоў; в) непаўналетні ва ўзросце да 14 гадоў мае магчымасць ажыццяўляць правы аўтара твора навукі, літаратуры або мастацтва; г) непаўналетні ва ўзросце ад 16 гадоў не мае права прадаць аўтамабіль які ён выіграў у латарэю. 10. Вызначце мэты, якія нясе пакаранне: а) ахоўная; б) каральная; в) выхаваўчая; г) прафілактычная. ІІ. Устанавіце адпаведнасць: 11. Суаднясіце: а) магчымасць учыняць дробныя бытавыя здзелкі; б) магчымасць распараджацца сваім заробкам, стыпендыяй; в) магчымасць у поўным аб’ёме ажыццяўляць усе правы; г) магчымасць працаваць на працоўны тыдзень працягласцю 24 – 35 гадзін – 1) з 18 гадоў; 2) ва ўзросце ад 16 да 18 гадоў; 3) з 14 гадоў; 4) ва ўзросце да 14 гадоў. 12. Суаднясіце: а) натарыят; б) камітэт дзяржаўнага кантролю; в) міліцыя; г) пракуратура – 1) забеспячэнне асабістай і маёмаснай бяспекі грамадзян, а таксама грамадскай бяспекі; 2) каардынацыя праваахоўнай дзейнасці органаў; 3) сочыць за правільнасцю расходавання сродкаў рэспубліканскага і мясцовага бюджэтаў; 4) забеспячэнне абароны правоў і законных інтарэсаў грамадзян і юрыдычных асоб, а таксама дзяржаўных інтарэсаў. 13. Суаднясіце: а) адміністрацыйнае права; б) грамадзянскае права; в) крымінальнае права; г) працоўнае права – 1) прычыненне цяжкага цялеснага пашкоджання чалавеку асобай, што знаходзілася ў нецвярозым стане пры выкананні сваіх службовых абавязкаў; 2) парушэнне правіл тэхнікі бяспекі на працоўным месцы; 3) пашкоджанне груза перавозчыкам; 4) кіраванне транспартным сродкам без дакументаў, што даюць права на яго кіраванне. 14. Суаднясіце: а) адвакат; б) натарыус; в) пракурор; г) суддзя – 1) прымае меры для аховы спадчыннай маёмасці, накладвае забарону на адчужэнне маёмасці; 2) складае заявы, скаргі і іншыя дакументы прававога характару; 3) рыхтуецца да судовага разбору справы, выклівае адказчыкаў, істцоў і г.д.; 4) ажыццяўляе агульны нагляд за выкананнем законаў усімі юрыдычнымі і фізічнымі асобамі. 15. Суаднясіце: а) грамадскія работы; б) штраф; в) пазбаўленне права займацца пэўнай дзейнасцю; г) папраўчыя работы – 1) прызначаецца асобе, якая дасягнула 16-гадовага ўзросту, на тэрмін ад 2 месяцаў да 1 года па месцы працы; 2) прызначаецца асобе, якая дасягнула 16-гадовага ўзросту, на тэрмін ад 1 да 3 гадоў; 3) прызначаецца непаўналетняму, які ўчыніў злачынства, калі ён мае самастойны заробак або маёмасць; 4) прызначаецца асуджанаму, які дасягнуў 16-гадовага ўзросту, на тэрмін ад 30 да 180 гадзін. ІІІ. Працягніце сказы: 16. Здольнасць чалавека сваімі дзеяннямі набываць і ажыццяўляць грамадзянскія правы, а таксама выконваць грамадзянскія абавязкі называецца... 17. Пагадненне паміж наймальнікам і работнікам аб умовах працы і яе аплаты называецца... 18. Абавязковай прыметай адміністрацыйнага правапарушэння з’яўляецца ... здзейсненага ўчынка. 19. Сур’ёзнае правапарушэнне, якое нясе пэўную пагрозу грамадскім адносінам, і пападае ў сферу крымінальнага права, называецца... 20. Барацьба са злачынствамі, якія ўяўляюць пагрозу нацыянальнай бяспецы Рэспублікі Беларусь, з’яўляецца асноўнай задачай...
|