Главная : Обучающимся : Дистанционное обучение : Грамадазнаўства : 9 клас : Грамадская сутнасць чалавека
Грамадская сутнасць чалавека
Праверачная работа па тэме “Грамадская сутнасць чалавека” І варыянт І. Выберыце правільны варыянт адказу: 1. Як называецца ўласцівая чалавеку здольнасць аднаўляць рэчаіснасць у думках і вобразах, разумець тое, што адбываецца, і асэнсавана, мэтанакіравана дзейнічаць: а) свядомасць; б) актыўнасць; в) самастойнасць? 2. Як называецца сукупнасць адносна ўстойлівых уласцівасцей чалавека, якія выяўляюцца ў яго дзеяннях і ўчынках: а) выхаванасць; б) характар; в) тэмперамент? 3. Хто з’яўляецца распрацоўшчыкам і даследчыкам “Я-канцэпцыі”: а) К.Юнг; б) З.Фрэйд; в) К.Роджэрс? 4. Рэальная прычына, якая ўсведамляецца чалавекам і накіроўвае яго пазнавальную і практычную дзейнасць – гэта: а) матыў; б) інтарэс; в) патрэбнасць. 5. Аўтарам цывілізацыйнага падыходу да гісторыі з’яўляецца: а) К.Маркс; б) А.Тойнбі; в) О.Шпенглер. 6. Фармацыйны падыход да вывучэння гістарычныга працэсу прадугледжвае паслядоўную змену наступных грамадска-эканамічных фармацый: а) першабытна-абшчынная, рабаўладальніцкая, феадальная, капіталістычная, сацыялістычная; б) першабытна-абшчынная, рабаўладальніцкая, феадальная, капіталістычная, камуністычная; в) першабытна-абшчынная, рабаўладальніцкая, феадальная, капіталістычная, індустрыяльная. ІІ. Устанавіце правільную адпаведнасць: 7. Устанавіце адпаведнасць: Праяўленне чалавека: Характарыстыка: а) індывід 1) чалавек як свядомы і адказны суб’ект дзейнасці і зносін; б) асоба 2) чалавек як асобны, адзінкавы прадстаўнік чалавецтва; в) індывідуальнасць 3) адметныя біялагічныя, псіхалагічныя і сацыяльныя ўласцівасці чалавека. 8. Устанавіце адпаведнасць: Тэмперамент: Характарыстыка: а) сангвінік 1) чалавек спакойны, марудны, стрыманы; б) халерык 2) чалавек рухавы, вясёлы, энергічны і актыўны; в) флегматык 3) чалавек вельмі чуллівы, крыўдлівы, лёгка ранімы. г) меланхолік 4) чалавек хуткі, парывісты, энергічны, нестрыманы. 9. Устанавіце адпаведнасць: Падыходы да вывучэння грамадства: Характарыстыка: а) натуралістычны 1) рэальнае матэрыяльнае жыццё людзей вызначае іх свядомасць; б) культурна-гістарычны 2) разуменне грамадства як жывога арганізма, працягу прыроды; в) ідэалістычны 3) жыццё грамадства разглядаецца як сфера ўплыву маральных, г) матэрыялістычны эстэтычных і іншых духоўных каштоўнасцей; 4) аснова цэласнасці і еднасці грамадства ў яго духоўным жыцці. ІІІ. Вызначце паняцці для кожнага азначэння: 10. Сукупнасць адносін паміж людзьмі, якія складваюцца і развіваюцца ў працэсе сумеснай дзейнасці – гэта... 11. Паслядоўнасць падзей у жыцці грамадства, якая з’явілася вынікам дзейнасці многіх пакаленняў людзей называецца... 12. Абагульненая характарыстыка каштоўнасных арыенціраў як асобнага чалавека, так і грамадства, у якім ён жыве – гэта... 13. Сукупнасць ідэй і ідэалаў, якія адлюстроўваюць нацыянальна-гістарычныя традыцыі і каштоўнасці беларускага народа, характарызуюць асноўныя мэты сучаснага развіцця беларускага грамадства – гэта... Праверачная работа па тэме “Грамадская сутнасць чалавека” ІІ варыянт І. Выберыце правільны варыянт адказу: 1. Як называецца характэрнае для чалавека актыўнае, мэтанакіраванае стаўленне да навакольнага свету і самога сябе: а) актыўнасць; б) дзейнасць; в) свядомасць? 2. Як называецца сукупнасць індывідуальных асаблівасцей, якія надаюць спецыфіку паводзінам і дзейнасці чалавека, характарызуюць ступень яго жыццёвай актыўнасці: а) характар; б) тэмперамент; в) выхаванасць? 3. Хто са старажытных вучоных быў заснавальнікам вучэння аб тэмпераменце: а) Гіпакрат; б) Авіцэнна; в) Арыстоцель? 4. Неабходнасць у чым-небудзь, адсутнасць чаго-небудзь важнага, патрэбнага для жыцця – гэта: а) інтарэс; б) матыў; в) патрэбнасць. 5. Аўтарам фармацыйнага падыходу да вывучэння гістарычнага працэсу з’яўляецца: а) К.Маркс; б) А.Тойнбі; в) О.Шпенглер. 6. Растаўце ў правільнай паслядоўнасці грамадска-эканамічныя фармацыі, якія згодна з фармацыйным падыходам да вывучэння гістарычнага працэсу змяняюць адна адну: а) феадальная; б) камуністычная; в) рабаўладальніцкая; г) першабытна-абшчынная; д) капіталістычная. ІІ. Устанавіце правільную адпаведнасць: 7. Устанавіце адпаведнасць: “Я-вобразы”: Характарыстыка: а) Я-рэальнае 1) які я ў сваіх марах; б) Я-ідэальнае 2) які я ёсць на самой справе; в) Я-чаканае 3) якім бы я хацеў быць; г) Я-ўяўнае 4) якім на маю думку мяне ўспрымаюць навакольныя. 8. Устанавіце адпаведнасць: Тып характару: Характэрныя рысы: а) інтраверт 1) скіраванасць на знешні свет, другіх людзей; б) экстраверт 2) скіраванасць на ўласны ўнутраны свет; 3) схільнасць да саманазірання і самапаглыблення; 4) актыўнасць, таварыскасць, камунікатыўнасць. 9. Устанавіце адпаведнасць: Падыходы да вывучэння грамадства: Стваральнік канцэпцыі: а) натуралістычны 1) Г.Гегель; б) культурна-гістарычны 2) К.Маркс; в) ідэалістычны 3) Ш.Мантэск’ё, Л.Гумілёў; г) матэрыялістычны 4) М.Данілеўскі. ІІІ. Вызначце паняцці для кожнага азначэння: 10. Абагульненае разуменне чалавекам самога сябе, навакольнага свету і сваёй сувязі са светам, якое складваецца з найважнейшых перакананняў – гэта... 11. Працэс засваення чалавекам сукупнасці ведаў, нормаў паводзін, звычак, якія дазваляюць яму жыць у грамадстве ці, як кажуць, быць паўнавартасным членам грамадства – гэта... 12. Устойлівая супольнасць людзей, аб’яднаных духоўнымі (перш за ўсё рэлігійнымі) традыцыямі, падобным ладам жыцця, геаграфічнымі і гістарычнымі рамкамі – гэта... 13. Светапоглядная ідэя, якая сцвярджае годнасць і самакаштоўнасць чалавека, яго свабоду і права на шчасце – гэта...
|