Главная : Обучающимся : Дистанционное обучение : Гісторыя Беларусі : 10 клас : Кастр.рэв-цыя. Стварэнне беларускай дзяржаўнасці
Кастр.рэв-цыя. Стварэнне беларускай дзяржаўнасці
І варыянт 1. Расшыфруйце абрэвіятуру: ССРБ. 2. Калі адбылося другое абвяшчэнне ССРБ: а) 1 студзеня 1919 г.; б) 2-3 лютага 1919 г.; в) 31 ліпеня 1920 г.? 3. Хто быў першым кіраўніком урада ССРБ: а) А.Мяснікоў; б) З.Жылуновіч; в) А.Чарвякоў? 4. Самастойнае ажыццяўленне дзяржаўнай улады або шырокае ўнутранае самакіраванне, якое прадастаўляецца народу, што кампактна пражывае ў межах дзяржавы – гэта: а) аўтаномія; б) акупацыя; в) канфедэрацыя. 5. Хто з ніжэйпералічаных уваходзілі ў склад Народнага сакратарыята (урада) БНР: а) І.Серада; б) Я.Варонка; в) В.Кнорын; г) А.Смоліч; д) Т.Калатухін. 6. Устанавіце адпаведнасць: а) К.Ландар; б) М.Духонін; в) А.Луцкевіч; г) А.Чарвякоў – 1) беларускі грамадскі дзеяч, заснавальнік БСГ, адзін з ініцыятараў абвяшчэння БНР; 2) беларускі бальшавік, член першага ўрада ССРБ; 3) генерал, Вярхоўны галоўнакамандуючы рускай арміяй у 1917 г., звергнуты бальшавікамі; 4) бальшавік, кіраўнік ВРК Заходняй вобласці і фронту. 7. Працягніце сказ: Пераход зямлі без выкупу з прыватнай уласнасці ў агульнанародную і ўраўняльнае надзялянне зямлёй тых, хто яе апрацоўвае называецца… 8. Растаўце ў храналагічнай паслядоўнасці: а) першае абвяшчэнне ССРБ; б) заключэнне Брэсцкага мірнага дагавору; в) абвяшчэнне БНР (ІІ Устаўная грамата); г) абвяшчэнне ЛітБел ССР. 9. Растлумачце, аб чым ідзе гаворка: “Да Польшчы адышлі Гродзенская, усходнія раёны Віленскай і заходнія раёны Мінскай губерняў агульнай плошчай 113 тыс. км² з насельніцтвам каля 4 млн чалавек”. Дзе і калі былі прыняты гэтыя рашэнні? 10. Прааналізуйце факт абвяшчэння БНР. Выкажыце свае меркаванні наконт гэтай дзяржавы.
ІІ варыянт 1. Расшыфруйце абрэвіятуру: БНР. 2. Калі адбылося першае абвяшчэнне ССРБ: а) 1 студзеня 1919 г.; б) 2-3 лютага 1919 г.; в) 31 ліпеня 1920 г.? 3. Хто быў першым кіраўніком Аблвыканкамзаха: а) К.Ландар; б) А.Мяснікоў; в) М.Рагазінскі? 4. Прымусовае адчужэнне маёмасці ва ўласнасць або ў часовае карыстанне дзяржавы (на карысць арміі) – гэта: а) рэпарацыя; б) акупацыя; в) рэквізіцыя. 5. Хто з ніжэйпералічаных беларускіх дзеячаў уваходзілі ў склад Рады БНР: а) Ю.Пілсудскі; б) Я.Лёсік; в) А.Луцкевіч; г) В.Ластоўскі; д) У.Ігнатоўскі. 6. Устанавіце адпаведнасць: а) М.Тухачэўскі; б) М.Крыленка; в) А.Смоліч; г) З.Жылуновіч – 1) прапаршчык, бальшавік, часовы галоўнакамандуючы Заходнім фронтам у 1918 – 1919 гг.; 2) першы кіраўнік урада ССРБ; 3) камандуючы Чырвонай Арміяй у польска-савецкай вайне; 4) вучоны-географ, адзін з ініцыятараў абвяшчэння незалежнасці БНР. 7. Працягніце сказ: Пераход прыватных прадпрыемстваў і галін эканомікі (зямлі, транспарту, банкаў і г.д.) у дзяржаўную ўласнасць называецца… 8. Растаўце ў храналагічнай паслядоўнасці: а) другое абвяшчэнне ССРБ; б) абвяшчэнне незалежнасці БНР (ІІІ Устаўная грамата); в) І Усебеларускі з’езд; г) пераход улады ў рукі бальшавіцкіх Саветаў. 9. Растлумачце, аб чым ідзе гаворка: “Тэрыторыя Беларусі была падзелена па лініі Дзвінск – Свянцяны – Ліда – Пружаны – Брэст. Заходняя частка Беларусі (Гродзенская і частка Віленскай губерні) далучалася да этнічнай Літвы. Цэнтральная частка (Мінская і часткі Віцебскай і Магілёўскай губерняў) абвяшчаліся акупіраванай тэрыторыяй. Усходнія раёны Беларусі заставаліся ў складзе Савецкай Расіі”. Дзе і калі былі прыняты гэтыя рашэнні? 10. Прааналізуйце факт ўтварэння Літоўска-Беларускай ССР. Выкажыце свае меркаванні наконт гэтай дзяржавы.
|