Главная : Обучающимся : Дистанционное обучение : Гісторыя Беларусі : 9 клас : Беларусь на зыходзе феадалізму к.18-сяр.19 ст.
Беларусь на зыходзе феадалізму к.18-сяр.19 ст.
І варыянт 1. Якой губерні не існавала на беларускіх землях у пачатку ХІХ ст.: а) Гродзенскай; б) Мінскай; в) Брэсцкай; г) Магілёўскай; д) Віцебскай? 2. “План Агінскага” прадугледжваў: а) аднаўленне незалежнага ВКЛ; б) аднаўленне ВКЛ у якасці аўтаноміі ў складзе Расійскай імперыі; в) аднаўленне ВКЛ у саюзе з напалеонаўскай Францыяй. 3. Хто з ніжэйпералічаных рускіх генералаў Айчыннай вайны 1812 г. загінуў на беларускіх землях: а) М.Барклай дэ Толі; б) П.Баграціён; в) Я.Кульнёў; г) М.Раеўскі; д) М.Кутузаў? 4. Якога тайнага таварыства не існавала на беларускіх землях у першай палове ХІХ ст.: а) таварыства філаматаў; б) таварыства філарэтаў; в) таварыства філатэлістаў; г) “Таварыства ваенных сяброў”; д) Дэмакратычнага таварыства? 5. Хто быў кіраўніком кансерватыўнай плыні ў шляхецкім паўстанні 1830 – 1831 гг.: а) А.Чартарыйскі; б) І.Лялевель; в) І.Паскевіч? 6. С.Манюшка – гэта: а) вядомы польска-беларускі кампазітар; б) знакаміты беларускі пісьменнік; в) славуты польскі мастак. 7. Ліквідацыя ўніяцкай царквы адбылася шляхам: а) далучэння ўніятаў да праваслаўнай царквы; б) аб’яднання ўніятаў з каталіцкай царквой; в) заключэння уніі праваслаўнай і каталіцкай царквы. 8. Што аб’ядноўвае наступных гістарычных асоб – І.Аляшкевіч, Я.Дамель, І.Хруцкі, В.Ваньковіч: а) беларускія мастакі першай паловы ХІХ ст.; б) беларускія жывапісцы-партрэтысты; в) беларускія мастакі, майстры нацюрморту. 9. Устанавіце адпаведнасць: а) М.К.Агінскі; б) І.Дамейка; в) М.Валовіч; г) Ю.Бакшанскі – 1) смаргонскі шляхціц, выступаў за знішчэнне прыгоннага права, заклікаў сялян да паўстання; 2) ураджэнец Слонімшчыны, удзельнік паўстання 1830-1831 гг., вёў партызанскую барацьбу супраць расійскіх улад у 1833 г.; 3) магнат, кампазітар, прыхільнік аднаўлення ВКЛ, аўтар паланэза “Развітанне з Радзімай”; 4) удзельнік паўстання 1830-1831 гг., нацыянальны герой Чылі. 10. Растаўце ў правільнай паслядоўнасці: а) ліквідацыя ўніяцкай царквы; б) шляхецкае паўстанне за аднаўленне Рэчы Паспалітай; в) закрыццё Віленскага ўніверсітэта; г) рэформа П.Кісялёва ў дзяржаўнай вёсцы. 11. Чатырохмесянчую асаду напалеонаўскіх войскаў пад час вайны 1812 г. вытрымаў гарнізон .... крэпасці. 12. У 1820-я гг. у мястэчках Хомск і Косава былі пабудаваны першыя на беларускіх землях... 13. У 1844 – 1857 гг. у памешчыцкай вёсцы па ініцыятыве графа П.Кісялёва праводзілася... 14. Павіннасць у Расійскай імперыі, у тым ліку і ў Беларусі, згодна з якой асоб мужчынскага полу – прадстаўнікоў сялянскага і мяшчанскага саслоўяў прызывалі на вайсковую службу ў расійскую армію называецца... 15. Палітыка самадзяржаўя, згодна з якой пераважна дробная шляхта выключалася з дваранства і пераводзілася ў падатковыя саслоўі, называецца... 16. Дайце азначэнне паняццю “літвінскі патрыятызм”. 17. Пералічыце, у якіх навучальных установах на беларускіх землях можна было атрымаць сярэднюю адукацыю ў першай палове ХІХ ст.? 18. Растлумачце, чаму, на ваш погляд, у Беларусі ў першай палове ХІХ ст. першае месца сярод шляхоў зносін займалі водныя шляхі? 19. Параўнайце становішча дзяржаўных і памешчыцкіх сялян у Беларусі ў першай палове ХІХ ст.? 20. Раскрыйце значэнне Я.Баршчэўскага і В.Дуніна-Марцінкевіча ў развіцці беларускай культуры. ІІ варыянт 1. У склад якіх генерал-губернатарстваў уваходзілі беларускія землі ў пачатку ХІХ ст: а) Літоўскага; б) Беларускага; в) Смаленскага; г) Курляндскага; д) Чарнігаўскага? 2. З якой мэтай у чэрвені 1812 г. у Вільні Напалеонам быў створаны Часовы ўрад ВКЛ: а) з мэтай аднаўлення незалежнага ВКЛ; б) з мэтай прыцягнуць на свой бок насельніцтва былога Вялікага Княства Літоўскага; в) з мэтай вызвалення жыхароў ВКЛ ад прыгоннага права. 3. У якой з ніжэйпералічаных бітваў на тэрыторыі Беларусі руская армія нанесла паражэнне адступаючым французскім войскам: а) пад Мірам; б) пад Клясціцамі; в) каля вёскі Салтанаўка; г) пад Віцебскам; д) каля вёскі Студзёнка? 4. Хто з ніжэйпералічаных гістарычных асоб не ўваходзіў у склад тайных таварыстваў Віленскага ўніверсітэта ў першай трэці ХІХ ст: а) А.Міцкевіч; б) М.Мураўёў; в) Т.Зан; г) Я.Чачот? 5. Хто быў кіраўніком дэмакратычнай плыні ў шляхецкім паўстанні 1830 – 1831 гг.: а) А.Чартарыйскі; б) І.Лялевель; в) І.Паскевіч? 6. У.Сыракомля – гэта: а) вядомы беларускі кампазітар; б) польска-беларускі паэт; в) знакаміты польскі мастак. 7. Рашэнне аб ліквідацыі ўніяцкай царквы было прынята на: а) Полацкім царкоўным саборы; б) Берасцейскім царкоўным саборы; в) Мінскім царкоўным саборы. 8. Што аб’ядноўвае наступных гістарычных асоб – В.Пуслоўскі, А.Скірмунт, К.Бжастоўскі, І.Паскевіч: а) актыўныя дзеячы беларускага мастацтва; б) удзельнікі тайных таварыстваў; в) буйныя землеўладальнікі і прадпрымальнікі на беларускіх землях. 9. Устанавіце правільную адпаведнасць: а) Т.Нарбут; б) Э.Плятэр; в) Ф.Савіч; г) С.Зорыч – 1) граф, буйны расійскі землеўладальнік на тэрыторыі Магілёўшчыны, стваральнік знакамітага прыгоннага тэатра ў Шклове; 2) інжынер, гісторык, археолаг, адзін з аўтараў праекта Бабруйскай крэпасці; 3) ураджэнка Віцебшчыны, удзельніца паўстання 1830-1831 гг.; 4) студэнт Віленскай медыка-хірургічнай акадэміі, стваральнік і кіраўнік “Дэмакратычнага таварыства”. 10. Растаўце ў правільнай паслядоўнасці: а) распрацоўка “бабруйскага плана”; б) паўстанне дзекабрыстаў у Пецярбургу; в) поўная адмена дзеяння ІІІ Статута ВКЛ на беларускіх землях; г) ліквідацыя ўніяцкай царквы. 11. Жыхары вёскі ... Полацкага павета Віцебскай губерні стварылі партызанскі атрад і аказалі ўзброенае супраціўленне французскім войскам. 12. Важную ролю ў гандлі да сярэдзіны ХІХ ст. працягвалі адыгрываць ... У Гродзенскай губерні іх дзейнічала 43, а самым значным з іх быў Зэльвенскі. 13. У 1840 – 1857 гг. у дзяржаўнай вёсцы па ініцыятыве міністра дзяржаўных маёмасцей Расійскай імперыі графа П.Кісялёва праводзілася... 14. Дакументы, якія ўтрымлівалі апісанне феадальных уладанняў, памераў сялянскіх павіннасцей на беларускіх землях у XVI – першай палове ХІХ ст., называюцца... 15. Частка тэрыторыі Расійскай імперыі, у якую ўваходзілі і беларускія землі, у 1794 – 1917 гг., на якой дазвалялася жыць асобам яўрэйскай нацыянальнасці называецца... 16. Дайце азначэнне паняццю “беларусазнаўства”. 17. Пералічыце, у якіх установах адукацыі на землях былога ВКЛ у першай палове ХІХ ст. можна было атрымаць вышэйшую адукацыю? 18. Растлумачце, чаму, на ваш погляд, большасць прамысловых прадпрыемстваў у Беларусі ў першай палове ХІХ ст. размяшчаліся ў сельскай мясцовасці, а не ў гарадах? 19. Параўнайце вынікі правядзення рэформ у дзяржаўнай і памешчыцкай вёсках у Беларусі ў 1840 – 1850-х гг. 20. Раскрыйце ролю братоў Канстанціна і Яўстафія Тышкевічаў у развіцці беларускай культуры.
|